Ә мин-башҡорт балаһы(шиғыр). К.Булат

Ә мин-башҡорт балаһы ( шиғыр ) автор К.Булат

.Нәшер ителгән: 1988 йыл. Сығанаҡ: "Туған тел".-Өфө"Башҡортостан китап нәшриәте",1988 йыл

Ә мин-башҡорт балаһы

 Олатай атҡа мендергәс,
 Йәбештем ат ялына.
 «Ҡолап төшмәһен», — тип әсәй
 Олатайға ялына.
 «Улым — башҡорт балаһы», — тип
 Олатай йүгән бирҙе.
 Бышҡырҙы ла менгән атым,
 Күкрәген бер аҙ кирҙе.
 Юртып киттем, донъя иркен,
 Мендем күктең ҡатына.
 «Ҡолон бирер, — ти олатай, —
 Һоло һалһаң атыңа».

 

1988 йыл

---